ХЫЯЛЫЙ

💥Башдрамтеатр Бүздәккә килә!

3 июндә М. Ғафури исемендәге башҡорт академия драма театры Бүздәк район мәҙәниәт һарайы сәхнәһендә Салауат Әбүзәровтың әҫәре буйынса Арыҫлан Йәнбәков ҡуйған "ХЫЯЛЫЙ" спектаклен уйнаясаҡ.

Пьеса авторы шағир, драматург, Башҡортостан Республикаһының атҡаҙанған матбуғат һәм киң мәғлүмәт хеҙмәткәре, С. Юлаев исемендәге дәүләт премияһы лауреаты Салауат Әбүзәр:

"Был әҫәр ауылда йәшәгән осорҙа, йәй яҙылды. Ихатала торғанда ауыл өҫтөнән дельтаплан һымаҡ нәмә осоп үтте. Баҡһаң, берәү үҙе эшләп осоп йөрөй икән. Бына хыялый... Хыял - кешене күккә күтәрер ҡанаттар ул".